കോട്ടയം: കോട്ടയം അഡീഷണൽ ജില്ലാ മജിസ്ട്രേറ്റ് (എ.ഡി.എം) ആയി സോളി ആന്റണി ചുമതലയേറ്റു. വിവിധ ജില്ലകളിൽ ഭരണപരമായ സേവനരംഗത്ത് പ്രവർത്തിച്ച പരിചയസമ്പത്തുമായാണ് അവർ പുതിയ ചുമതല ഏറ്റെടുത്തത്.
കോട്ടയം, എറണാകുളം, തൃശൂർ ജില്ലകളിൽ ഡെപ്യൂട്ടി കളക്ടറായി സേവനമനുഷ്ഠിച്ചിട്ടുള്ള സോളി ആന്റണി, കോട്ടയം പുഞ്ച സ്പെഷ്യൽ ഓഫീസറായും പുനലൂർ ആർ.ഡി.ഒയായും പ്രവർത്തിച്ചിട്ടുണ്ട്.
കോട്ടയം ജില്ലയിലെ വാകത്താനം സ്വദേശിനിയായ സോളി ആന്റണി, ഭരണരംഗത്തെ ദീർഘകാല പ്രവർത്തനപരിചയത്തിലൂടെയാണ് ശ്രദ്ധേയയായത്. ഭർത്താവ് ജിയോ ടി. മനോജ് (മുൻ ഡെപ്യൂട്ടി കളക്ടർ) ആണ്. മകൻ: ടോം ജി. മനു.
