കോട്ടയം ടൗണിൽ ചിങ്ങവനം മുതൽ സംക്രാന്തി വരെയും വടവാതുർ മുതൽ തിരുവാതുക്കൽ കവല വരെയും ഉള്ള ഭാഗങ്ങളിൽ അപകടം ഇല്ലാത്ത രീതിയിൽ റോഡുകൾ ക്രമീകരിക്കുന്നതിന് വേണ്ടി കേരള നിയമസഭാ സ്പീക്കറും കോട്ടയം എംഎൽഎയും ആയ തിരുവഞ്ചൂർ രാധാകൃഷ്ണന്റെ അധ്യക്ഷതയിൽ കോട്ടയം കളക്ടറേറ്റിൽ യോഗം ചേർന്നു.
കോട്ടയം ജില്ലാ കളക്ടർചേതൻ കുമാർ മീണ ഐഎഎസ് പോലീസ് സൂപ്രണ്ട് ഷാഹുൽ ഹമീദ് ഐപിഎസ്കോട്ടയം മുനിസിപ്പൽ ചെയർമാൻ സന്തോഷ് കുമാർ, ആർടിഒ പിഡബ്ല്യുഡി എന്നീ വകുപ്പുകളിൽ നിന്നുള്ള ഉദ്യോഗസ്ഥർ വിവിധ രാഷ്ട്രീയ പ്രവർത്തകർ വ്യാപാരി വ്യവസായി അസോസിയേഷൻ ഭാരവാഹികൾ എന്നിവർ യോഗത്തിൽ പങ്കെടുത്തു,
കോട്ടയം നഗരത്തിലെ പ്രധാന റോഡുകളിൽ അപകടങ്ങൾ കുറയ്ക്കുന്നതിനും ഗതാഗതം കൂടുതൽ സുരക്ഷിതവും സുഗമവുമാക്കുന്നതിനുമായി അപകടങ്ങൾ ഒഴിവാക്കുന്നതിനും യാത്രക്കാരുടെ സുരക്ഷ ഉറപ്പാക്കുന്നതിനുമായി വിവിധ നിർദേശങ്ങൾ യോഗം പരിഗണിച്ചു.
അതോടൊപ്പം, റോഡരികുകളിലും നടപ്പാതകളിലും അനധികൃതമായി കച്ചവടം നടത്തുന്നവർക്കെതിരെ ബന്ധപ്പെട്ട വകുപ്പുകൾ കർശന നടപടി സ്വീകരിക്കണമെന്നും തിരുവഞ്ചൂർ ആവശ്യപ്പെട്ടു. ഇത്തരം കച്ചവടങ്ങൾ ഗതാഗത തടസ്സങ്ങൾക്കും അപകട സാധ്യതകൾക്കും കാരണമാകുന്നതായി അദ്ദേഹം വ്യക്തമാക്കി.
റോഡ് സുരക്ഷയും ഗതാഗത ക്രമീകരണങ്ങളും ശക്തിപ്പെടുത്തുന്നതിനായി വിവിധ വകുപ്പുകളുടെ ഏകോപിത പ്രവർത്തനം ഉറപ്പാക്കണമെന്നും യോഗത്തിൽ അദ്ദേഹം നിർദേശിച്ചു. ബന്ധപ്പെട്ട വകുപ്പുകൾ ആവശ്യമായ നടപടികൾ അടിയന്തരമായി സ്വീകരിക്കുമെന്ന് യോഗത്തിൽ അറിയിച്ചു.
റോഡുകളിലെ അപകട സാധ്യതയുള്ള മേഖലകൾ കണ്ടെത്തി ആവശ്യമായ സുരക്ഷാ നടപടികൾ സ്വീകരിക്കുന്നതിനും ഗതാഗത നിയന്ത്രണങ്ങൾ ശക്തമാക്കുന്നതിനുമായി ബന്ധപ്പെട്ട വകുപ്പുകൾക്ക് യോഗം നിർദേശങ്ങൾ നൽകി. നഗരത്തിലെ റോഡ് സുരക്ഷ മെച്ചപ്പെടുത്തുന്നതിനുള്ള തുടർ നടപടികൾ അടിയന്തരമായി നടപ്പാക്കുമെന്നും യോഗം വിലയിരുത്തി.
