കോട്ടയം നാഗമ്പടം നെഹ്റു സ്റ്റേഡിയത്തിന് സമീപം എം.സി റോഡിൽ ഇന്ന് പുലർച്ചെ കെഎസ്ആർടിസി ബസ് ഡിവൈഡറിൽ ഇടിച്ചുകയറി അപകടം ഉണ്ടയത്.
പുലർച്ചെയുണ്ടായ അപകടത്തിൽ ബസ് റോഡിന്റെ മധ്യഭാഗത്തെ ഡിവൈഡറിലേക്ക് കയറിയ നിലയിലാണ് കണ്ടെത്തിയത്. അപകടത്തെ തുടർന്ന് റോഡിൽ ഗതാഗത തടസവും അനുഭവപ്പെട്ടു. സംഭവസമയത്ത് റോഡിൽ വാഹനത്തിരക്ക് കുറവായിരുന്നതിനാൽ വലിയ ദുരന്തം ഒഴിവായതായാണ് വിവരം.
അപകടത്തിൽ ആർക്കെങ്കിലും പരിക്കേറ്റിട്ടുണ്ടോയെന്ന കാര്യത്തിൽ വ്യക്തത ലഭിച്ചിട്ടില്ല. അപകടകാരണം സംബന്ധിച്ച് കൂടുതൽ വിവരങ്ങൾ അധികൃതർ പരിശോധിച്ച് വരികയാണ്.
അപകടത്തെ തുടർന്ന് സ്ഥലത്ത് പൊലീസും മറ്റ് ബന്ധപ്പെട്ട ഉദ്യോഗസ്ഥരും എത്തി നടപടികൾ സ്വീകരിച്ചു. ബസ് മാറ്റിയ ശേഷമാണ് ഗതാഗതം സാധാരണ നിലയിലായത്.
