എട്ടാം തലമുറ പ്രോസസ്സറുമായി ഡെല് ഈയിടെ പുറത്തിറക്കിയ ലാപ്ടോപ്പ് മോഡലാണ് ഇന്സ്പീരിയന് 14 5480. തിന് ലൈറ്റ് മോഡലാണിത്. ഇതിലുപരി അത്യാധുനിക സവിശേഷതകള് ഉള്ക്കൊള്ളിച്ച തികച്ചും വാല്യൂ ഫോര് മണി ലാപ്ടോപ്പ്.
ബര്ഗണ്ടി ബ്ലേസ്, പ്ലാറ്റിനം സില്വര് നിറഭേദങ്ങളിലാണ് ഡെല് ഇന്സ്പീരിയന് 14 5480 മോഡല് ലഭിക്കുക. ഇതില് ബര്ഗുണ്ടി ബ്ലേസ് മോഡലാണ് റി്യുവിനായി തെരഞ്ഞെടുത്തത്. ശ്രേണിയിലെ മറ്റു മോഡലുകളെ അപേക്ഷിച്ച് ഭംഗി കൂടുതല് ഈ മോഡലിനു തന്നെയാണെന്നു പറയാം. ഡിസൈന് ഭാഗം നോക്കിയാല് തികച്ചും പ്രീമിയം പ്രൊഫഷണല് ലുക്ക്.
1.4 കിലോഗ്രാമാണ് ലാപ്ടോപ്പിന്റെ ഭാരം. ലൈറ്റ് വെയിറ്റും സ്ലിം മോഡലുമായതു കൊണ്ടുതന്നെ ഏവര്ക്കും ഇഷ്ടപ്പെടും. 14 ഇഞ്ചാണ് ഡിസ്പ്ലേ. വിദ്യാര്ത്ഥികള്ക്കം പ്രൊഫഷണല്സിനും മോഡലിനെ ഹാന്റ് ബാഗിലോ ബാക്ക് പാക്കിലോ ലളിതമായി കൊണ്ടുനടക്കാനാകും. അതായത്. ധാരാളം യാത്രചെയ്യുന്നവര്ക്ക് ഏറ്റവും ഉതകുന്ന മോഡലാണിത്.
അലുമിനിയം ഉപയോഗിച്ചാണ് പുറംഭാഗം നിര്മിച്ചിരിക്കുന്നത്. ബാറ്റിയുള്ളവ ഹൈ ക്വാളിറ്റി പോളി കാര്ബണേറ്റ് ഉപയോഗിച്ചും നിര്മിച്ചിരിക്കുന്നു. അതിനാല്തന്നെ വളരെ ലൈറ്റ് വെയിറ്റുമാണ്. സ്റ്റര്ഡി ലുക്കും ലഭിക്കുന്നുണ്ട്. ബര്ഗണ്ടി നിറത്തിലുള്ള ലാപ്ടോപ്പ് ഇതാദ്യമായാണ് വിപണിയില് ലഭിക്കുന്നതും.
