ടെക്നോ രണ്ട് പുതിയ മോഡലുകള് ഇന്ത്യയില് അവതരിപ്പിച്ചു. മീഡിയടെക് ഡൈമന്സിറ്റി 7300 അള്ട്ടിമേറ്റ് പ്രോസസറില് വരുന്ന ഈ ഫോണുകള്ക്ക് 6,000 എംഎഎച്ച് ബാറ്ററി കരുത്തുണ്ട്. 20,000 രൂപയില് താഴെ വിലയിലൊതുങ്ങുന്ന ടെക്നോ പോവ 7, ടെക്നോ പോവ 7 പ്രോ എന്നിവയാണ് കമ്പനി പുറത്തിറക്കിയത്.
ജൂലൈ 10 മുതല് ഫ്ലിപ്കാര്ട്ടിലൂടെയാണ് ഈ ഫോണുകളുടെ വില്പന.
ടെക്നോ പോവ 7 പ്രോ സ്പെസിഫിക്കേഷനുകള്
ടെക്നോ പോവ 7 പ്രോ 6.78 ഇഞ്ചിന്റെ 1.5കെ അമോൾഡ് ഡിസ്പ്ലെ സഹിതം വരുന്ന സ്മാര്ട്ട്ഫോണാണ്. 144 ഹെര്ട്സ് ആണ് റിഫ്രഷ് റേറ്റ്. പീക്ക് ബ്രൈറ്റ്നസ് 4,500 നിറ്റ്സും. കോര്ണിംഗ് ഗോറില്ല ഗ്ലാസ് 7i സുരക്ഷയോടെ വരുന്ന ഫോണിന് ഐപി64 റേറ്റിംഗാണ് ലഭിച്ചിരിക്കുന്നത്.
മീഡിയടെക് ഡൈമന്സിറ്റി 7300 പ്രോസസറിനൊപ്പം 8ജിബി റാമും 256 ജിബി വരെ യുഎഫ്എസ് 2.2 സ്റ്റോറേജും ക്രമീകരിച്ചിരിക്കുന്നു. 64 എംപിയുടെ സോണി ഐഎംഎക്സ്682 പ്രൈമറി ക്യാമറയുണ്ട് എന്നതാണ് മറ്റൊരു പ്രധാന സവിശേഷത. ഇതിനൊപ്പം 4കെ 30fps വീഡിയോ റെക്കോര്ഡിംഗ് പിന്തുണയുള്ള 8 എംപി അള്ട്രാ-വൈഡ് ആംഗിള് സെന്സറും നല്കിയിട്ടുണ്ട്.
ടെക്നോ പോവ 7 സ്പെസിഫിക്കേഷനുകള്
ടെക്നോ പോവ 7 വരുന്നത് 6.78 ഇഞ്ച് ഫുള് എച്ച്ഡി+ എല്സിഡി ഡിസ്പ്ലെയുമായാണ്. 144 ഹെര്ട്സ് റിഫ്രഷ് റേറ്റ് വരുന്ന ഡിസ്പ്ലെയുടെ പീക്ക് ബ്രൈറ്റ്നസ് 900 നിറ്റ്സാണ്. സമാന ഡൈമന്സിറ്റി 7300 അള്ട്ടിമേറ്റ് പ്രോസസര് സഹിതം വരുന്ന പോവ 7ല് 8 ജിബി വരെ റാമും 2.2 യുഎഫ്എസ് സ്റ്റോറേജും സംയോജിപ്പിച്ചിരിക്കുന്നു.
