പുതിയ ഓഡിയോ പ്ലേബാക്ക് ഫീച്ചറുമായി വാട്ട്സ്ആപ്. ആപ്പിന്റെ പുതിയ അപ്ഡേറ്റില് വാട്ട്സ്ആപ്തുറക്കാതെ മൊബൈലിലെ നോട്ടിഫിക്കേഷന് പാനലില്വെച്ച് തന്നെ ഓഡിയോ കേള്ക്കാന് കഴിയും. വേര്ഷന് 2.19.91.1 ലാണ് ഇത് ഉള്പ്പെടുത്തിയിരിക്കുന്നത്.
വോയ്സ് മെസ്സേജും ഓഡിയോ ഫയലുമെല്ലാം ഇത്തരത്തില് തുറന്ന് കേള്ക്കാന് സാധിക്കും. പുതിയ ഫീച്ചറുകള് ഉള്പ്പെടുത്തിയ ബീറ്റാ വേര്ഷന് ആന്ഡ്രോയ്ഡിലും ഐ.ഒ.എസിലും ഇപ്പോള് ലഭ്യമാണ്.
കൂടാതെ, ഗൂഗിള് അസിസ്റ്റന്റിന്റെ സഹായത്തോടെ ഇനി വീഡിയോ കോളും ഓഡിയോ കോളും ചെയ്യാന് സാധിക്കും. ഗൂഗിള് അസിസ്റ്റന്റിലൂടെ നേരത്തെ ടെക്സ്റ്റ് മെസ്സേജ് മാത്രമാണ് സാധിച്ചിരുന്നത്. ഈ ഫീച്ചര് ഇപ്പോള് ആന്ഡ്രോയ്ഡില് മാത്രമാണ് ലഭ്യമായിരിക്കുന്നത്.
ഇന്സ്റ്റഗ്രാമിലെ പോലെ വീഡിയോ കാണാനും, ഡാര്ക് മോഡും വാട്ട്സ്ആപില് ലഭ്യമാക്കാനും കമ്പനി ശ്രമം ആരംഭിച്ചിട്ടുണ്ട്.
